კახა კალაძე ხარკოვის დელეგაციას, ბიშკეკისა და ერევნის მერებს შეხვდა

დედაქალაქის მერი კახა კალაძე ბიშკეკის მერს აზიზ სურაკმატოვს, ერევნის მერს აიკ მარუთიანს და ხარკოვის დელეგაციას შეხვდა. როგორც „ინტერპრესნიუსს“ თბილისის მერიიდან აცნობეს, სტუმრებმა მერს „თბილისობის“ დღესასწაული მიულოცეს და თავიანთ დედაქალაქებში მიიწვიეს. თავის მხრივ, დედაქალაქის მერმა კოლეგები „თბილისობის“ დღესასწაულის ფარგლებში გამართულ ღონისძიებებზე დაპატიჟა.

„წელს საკმაოდ მრავალფეროვანი ღონისძიებებია დაგეგმილი თბილისის სხვადასხვა რაიონში. ეპიცენტრი კი ტრადიციულად ძველი თბილისი - რიყე, ლეღვთახევი, ევროპის და ორბელიანის მოედნებია. პროგრამა ყველა თაობის ადამიანისთვის, მათ შორის თბილისის სტუმრებისთვისაც არის გათვალისწინებული და ძალიან კარგად აცნობს მათ თბილისურ ტრადიციებს“, - განაცხადა თბილისის მერმა კახა კალაძემ.

თბილისის მერიის ინფორმაციით, შეხვედრებზე საუბარი თბილისსა და აღნიშნულ ქალაქებს შორის პარტნიორობის გაღრმავებას, წარმატებული გამოცდილების გაზიარებასა და სხვადასხვა სფეროებში თანამშრომლობას შეეხო. ასევე, განიხილეს სატრანსპორტო სფეროში არსებული გამოწვევები.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა