მამუკა მდინარაძე - ჩვენ პირველები ვიყავით, ვინც ვთქვით, რომ არ შეიძლება ამ ლოგიკით ადამიანების შეწყალება

ჩვენ პირველები ვიყავით, ვინც პრეზიდენტის შეწყალების აქტი გავაკრიტიკეთ და ვთქვით, რომ არ შეიძლება ამ ლოგიკით ადამიანების შეწყალება, დაწყებული პოლიციელის მკვლელობით, გაგრძელებული იმით, რომ შემდეგ რამდენიმე ადამიანი ვნახეთ, რომელთა შეწყალებაშიც არანაირი ლოგიკა არ იყო, - ამის შესახებ ჟურნალისტებს ფრაქცია „ქართული ოცნების“ თავმჯდომარე მამუკა მდინარაძემ განუცხადა.

მდინარაძე მიიჩნევს, რომ შეწყალების შემდეგ პრეზიდენტის მიერ გამოცხადებული მორატორიუმიც კი იურიდიულად გაუმართავი იყო.

„დისკუსია გაიხსნა იმასთან დაკავშირებით, უნდა იყოს თუ არა საკანონმდებლო შეზღუდვები ამ თემაზე. ვფიქრობ, რომ ეს დისკუსია მალე უნდა მორჩეს, რათა ეს ხარვეზები, რაც მორალური თვალსაზრისით ჯერჯერობით ხარვეზს წარმოადგენს, უნდა აღმოვფხვრათ საკანონდებლო დონეზე, თუ ამის დახვეწილი იურიდიული მექანიზმი მოიძებნება", - განაცხადა მდინარაძემ.

შეგახსენებთ, რომ „რადიო თავისუფლებამ“ გამოაქვეყნა ინფორმაცია, თუ რა დანაშაულისთვის იხდიდნენ სასჯელს პრეზიდენტ სალომე ზურაბიშვილის მიერ 2018 წლის 17 დეკემბრიდან დღემდე შეწყალებული მსჯავრდებულები. „რადიო თავისუფლების“ ინფორმაციით, პრეზიდენტის ადმინისტრაციას რამდენჯერმე სთხოვეს შეწყალებულთა სია, თუმცა მათი სახელები ვერ მიიღეს, თუმცა ადმინისტრაციიდან უპასუხეს წერილზე, რომლითაც ითხოვდნენ საჯარო ინფორმაციას იმის თაობაზე, თუ სისხლის სამართლის კოდექსის რომელი მუხლებით გასამართლებული პატიმრები შეიწყალა პრეზიდენტმა.

„რადიო თავისუფლებამ“ ეს მუხლები სისხლის სამართლის კოდექსში გადაამოწმა.

„რადიო თავისუფლების“ ინფორმაციით, ერთ-ერთი შეწყალებული პირი სისხლის სამართლის კოდექსის 140-ე მუხლით იყო გასამართლებული, რაც „თექვსმეტი წლის ასაკს მიუღწევლის სხეულში სექსუალური ხასიათის შეღწევას გულისხმობს“.

ასევე, ჩამონათვალში არის მძიმე დანაშაულისთვის გათვალისწინებული სისხლის სამართლის კოდექსის მუხლები, მათ შორის განზრახ მკვლელობა დამამძიმებელ გარემოებებში და განზრახ მკვლელობა.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება