მე რამდენიმე დღის წინ მქონდა კომუნიკაცია და ილია ჯიშკარიანი ამ ბრალდებებს არ აღიარებს,- ამის შესახებ საკრებულოს თავმჯდომარემ გიორგი ტყემალაძემ "ინტერპრესნიუსს“ საკრებულოს წევრის ილია ჯიშკარიანის მიმართ გაჟღერებულ ბრალდებებთან დაკავშირებით განაცხადა.

მისივე თქმით, დარწმუნებულია, რომ სამართალდამცავი სტრუქტურა ამ ყველაფერს ობიექტურად გამოიძიებს. ამ ეტაპზე გიორგი ტყემალაძე რაიმე შეფასების გაკეთებისგან თავს იკავებს.

" იცით, რომ ის იმყოფება საავადმყოფოში მისი ჯანმრთელობის მდგომარეობიდან გამომდინარე.რაც შეეხება შეფასებებს, იცით, რომ მიმდინარეობს გამოძიება და მისი დასრულების შემდგომ გავაკეთებთ შეფასებებს",- აცხადებს გიორგი ტყემალაძე.

შეგახსენებთ, რომ საკრებულოს თანამშრომელი თამთა თოდაძე „ქართული ოცნების" დეპუტატს, ისნის მაჟორიტარ ილია ჯიშკარიანს სექსუალურ და ფიზიკურ ძალადობაში ადანაშაულებს.