პორტუგალიის საპარლამენტო არჩევნებში მმართველმა „სოციალისტურმა“ პარტიამ გაიმარჯვა, თუმცა, საპარლამენტო უმრავლესობის მოპოვება ვერ შეძლო,- ამის შესახებ ინფორმაციას „როიტერსი“ ავრცელებს.
სააგენტოს ინფორმაციით, თითქმის ყველა ხმა დათვლილია და წინასწარმა შედეგებმა აჩვენა, რომ პრემიერ-მინისტრ ანტონიო კოსტას პარტიამ პარლამენტში 106 ადგილის მოპოვება შეძლო, რაც 230-წევრიან საკანონმდებლო ორგანოში უმრავლესობის მოპოვებისთვის საკმარისი არაა.
წინასწარი შედეგების თანახმად, მთავარმა ოპოზიციურმა პარტიამ - „სოციალ დემოკრატებმა“ - არჩევნებში ხმათა 28 პროცენტის მოგროვება შეძლეს, რაც იმას ნიშნავს, რომ მას პარლამენტში 77 ადგილი ექნება.
პორტუგალიაში საპარლამენტო არჩევნები გუშინ გაიმართა.