რომან გოცირიძე - კაცს რომ ეცემა ზარდიაშვილი ან მელიას მოერტყა ცხვირში, კაცურ ქცევაში ჩაეთვლებოდა და ქალმა გცემოს და პარლამენტში იჯდე, უხერხულია

ქალმა გცემოს და აქ იჯდე, უხერხულია. ზოგიერთი ვაჟკაცი ამას ვერ აიტანს, იმიტომ, რომ აქ არიან ქურდული გაგების დეპუტატები, - ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძემ ჟურნალისტებს ვანო ზარდიაშვილის პარლამენტიდან შესაძლო წასვლასთან დაკავშირებით არსებულ ინფორმაციაზე კომენტირებისას განუცხადა.

"თუ გავითვალისწინებთ იმ გარემოებას, რომ "ქართული ოცნება" შემჩნეულია სექსისტურ მიდგომებში, ქალებს ცოტა ზემოდან უყურებენ, გარდა ამისა პარლამენტში ქურდული გაგებაც არაა უცხო, ნუ გაგვიკვირდება, თუ მართლა გააგდებენ ზარდიაშვილს აქედან, ვინაიდან ქალის ნაცემი კაცი აქ როგორ უნდა იჯდეს?! აი, კაცს რომ ეცემა ან მელიას რომ მოერტყა ცხვირში ან მე, იტყოდნენ, რომ ბრძოლაში დაზიანდა და ჩაეთვლებოდა კაცურ ქცევაში, მაგრამ ქალთან დამარცხებულს ისინი ვერ აიტანენ, ამიტომ ყველაფერია მოსალოდნელი. ბესელიას ნაცვლად სხვა ოპოზიციონერს რომ მოერტყა, იტყოდნენ ხდება, მამაკაცური ამბებია, მაგრამ ქალმა გცემოს და აქ იჯდე?! - უხერხულია, ზოგიერთი ვაჟკაცი ამას ვერ აიტანს, იმიტომ, რომ აქ არიან ქურდული და ტრადიციული კაცური გაგების დეპუტატები. მათ გვერდით მისი ჯდომა ახლა „გრეხია“... თუ სერიოზულად ვიტყვით, ვინ ეკითხება ზარდიაშვილს ან პარლამენტში შემოსვლას ან აქედან გასვლას?! გადაწყვეტს ივანიშვილი იმისდა მიხედვით, როგორ შეუფასებენ ამ მოვლენას. თუ ეტყვიან, რომ გასაგდებია... აქ უამრავი შიდა ბრძოლაა, გააჩნია რომელი ხაზი გაიმარჯვებს. ერთი რამ ცხადია, ბესელიასთან ხანგრძლივ ბრძოლას მისი რეპუტაცია, თუ კი მას საერთოდ ჰქონდა, შეეწირა და დასრულდა," - განაცხადა რომან გოცირიძემ.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა