მეზობლის ინფორმაციით, რუსთავში 35 წლამდე მამაკაცის მკვლელობის საქმეზე დაკავებულ პოლიციელზე „ადრეც იყო საჩივარი, მაგრამ ის საქმე ჩაიფარცხა“

როგორც ვიცი, ამ პოლიციელზე ადრეც იყო საჩივარი, მაგრამ ის საქმე ჩაიფარცხა, - ამის შესახებ "ინტერპრესნიუსს" რუსთავში მოკლული 35 წლის მამაკაცის საქმეზე დაკავებული სამართალდამცველებიდან ერთ-ერთის, მიხეილ ღუბიანურის მეზობელმა განუცხადა.

თავად ღუბიანურის ოჯახის წევრები კი, მედიასთან არ კონტაქტობენ.

"ამ პოლიციელს კარგი ოჯახი ჰყავს. მამა ყოფილი პოლიციელია, თვითონ მოქმედი პოლიციელი. მამას ძალიან აქებენ, ამ ბიჭს ისე რა. თუ არ ვცდები, ადრეც იყო მასზე საჩივარი, მგონი, ცემასთან დაკავშირებით და მერე ეს საქმე ჩაიფარცხა", - განაცხადა მეზობელმა.

მიხეილ ღუბიანურთან ერთად, სამართალდამცავებმა ჯგუფურად ჩადენილი თავისუფლების უკანონოდ აღკვეთის ბრალდებით მოქმედი სამართალდამცავი დავით მიროტაძე და ყოფილი პოლიციელი დიტო დუგაშვილი დააკავეს.

ამას გარდა, სამართალდამცავებმა დამამძიმებელ გარემოებებში, განზრახ მკვლელობისა და ცრუ ჩვენების ბრალდებით ორი პირიც აიყვანეს. მკვლელობაში ბრალდებულ კიდევ ერთ პირს კი ეძებენ.

35 წლის დავით მუმლაძის ცხედარი მტკვარმა გამორიყა. მას 30-ზე მეტი ჭრილობა ჰქონდა მიყენებული.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ