ანა დოლიძე - ვანო ზარდიაშვილის ცხოვრებაში, წესით, შემდეგი თავი უნდა იყოს ის, რომ დიდი დრო უნდა გაატაროს პროკურატურის შენობაში

ვანო ზარდიაშვილის ცხოვრებაში, წესით, შემდეგი თავი უნდა იყოს ის, რომ მან დიდი დრო უნდა გაატაროს გორგასლის 24 ნომერში, ეს არის გენერალური პროკურატურის შენობა, - ამის შესახებ იუსტიციის უმაღლესი საბჭოს არამოსამართლე წევრმა, ანა დოლიძემ „ინტერპრესნიუსს" განუცხადა, რითაც გამოეხმაურა ვანო ზარდიაშვილის მიერ სადეპუტატო მანდატის დატოვების საკითხს.

ანა დოლიძის თქმით, გარდა იმისა, რომ ვანო ზარდიაშვილს სასამართლოში არსებულ „კლანთან" კავშირი აქვს, 2012 წლის შემდგომი პერიოდის განმავლობაში მისი ოჯახის ქონებრივი მდგომარეობა გაიზარდა. აქედან გამომდინარე, საბჭოს წევრი მიიჩნევს, რომ სწორედ საგამოძიებო უწყებამ უნდა დაადგინოს, აქვს თუ არა რაიმე კავშირი ზარდიაშვილის საქმიანობას კორუფციასთან.

ვანო ზარდიაშვილს ამ შენობაში დიდი დრო აქვს გატარებული ზურაბ ადეიშვილის მდივან-რეფერენტის რანგში, მაგრამ ამჯერად მან ბევრი დრო უნდა გაატაროს დაკითხვებში სასამართლოს „კლანთან" და კორუფციასთან მიმართებით, სულ უნდა გაუცვდეს ფეხსაცმელი. უამრავი კითხვის ნიშნები არსებობს, შეხედეთ მისი მეუღლის დეკლარაციას ქონების საოცარ მატებასთან დაკავშირებით, ბოლო პერიოდის განმავლობაში შეძენილ უამრავ ბინასთან, ფართთან და ჩუქებებთან დაკავშირებით, ასევე ცოლ-ქმრის უზარმაზარ გავლენებთან მიმართებაში მოსამართლეების დაწინაურება-დანიშვნებში.

ეს არის რაღაც ეტაპი, რითიც ვანო ზარდიაშვილი გადის საჯარო სივრციდან. ჩემი ნება რომ იყოს ის, დიდ დროს საქართველოს პარლამენტის ნაცვლად, გორგასლის 24 ნომერში, გენერალურ პროკურატურაში გაატარებდა, სანამ არ დადგინდებოდა, აქვს თუ არა კავშირი მის საქმიანობას კორუფციასთან.

იმის პარალელურად, რომ ის არის გავლენიანი, ასევე მისი ცოლი პირდაპირაა დაკავშირებული მოსამართლეების დანიშვნა-დაწინაურების პროცესთან. ეს ცალსახად გამოსაკვლევია და არ მგონია მისი საჯარო საქმიანობა ამით უნდა დასრულდეს, რომ მორჩა, წავიდა და დაამთავროს საუბარი", - განაცხადა ანა დოლიძემ.

ცნობისთვის, ვანო ზარდიაშვილის მეუღლე, თინათინ აბრალავა 2015 წლიდან, იუსტიციის უმაღლესი საბჭოს მოსამართლის საქმიანობის შეფასების მართვის დეპარტამენტის უფროსის თანამდებობას იკავებს.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის