საქართველოში აშშ-ს ელჩის მოვალეობის შემსრულებელი ელიზაბეთ რუდი კოლხეთის ეროვნულ პარკში იმყოფებოდა. ამის შესახებ განცხადება აშშ-საელჩოს ფეისბუქის ოფიციალურ გვერდზე გამოქვეყნდა.
საელჩოს ინფორმაციით, ელიზაბეთ რუდი პალიასტომის ტბას ესტუმრა და პონტონით გაისეირნა. ელჩის მოვალეობის შემსრულებელმა ძალები კაიაკზეც მოსინჯა.
“საქართველოს მთებზე არანაკლები განძია მისი ჭალები. კოლხეთის ეროვნულ პარკში შეგიძლიათ, პონტონით გადაცუროთ პალიასტომის ტბა, კაიაკით აისეირნოთ მდინარე ფიჩორზე, დაათვალიეროთ მკვიდრი და მიგრირებადი ფრინველები და გადაშენების პირას მყოფი მცენარეები და ცხოველები. ბუნების დაცვა დღეს მომავალ თაობებზე ზრუნვას ნიშნავს" - განაცხადა ელიზაბეთ რუდმა.