გიორგი გახარია ტურიზმის სექტორს - მთავრობის, ჩვენი გუნდის კარიც, ტელეფონებიც,  თქვენთვის იქნება წვდომადი - კრიტიკისაც არასდროს შეგვშინებია და არც დღეს შეგვეშინდება

მინდა იცოდეთ, რომ ამ მთავრობის, ჩვენი გუნდის კარებიც, ტელეფონებიც, ყველაფერი თქვენთვის იქნება წვდომადი,- ასე მიმართა ტურიზმის სექტორის წარმომადგენლებს საქართველოს პრემიერ-მინისტრმა გიორგი გახარიამ.

პრემიერმა ტურიზმის სფეროს წარმომადგენლებს მაქსიმალურად ღია საუბრისკენ მოუწოდა და დაჰპირდა, რომ იქ სადაც ეს შესაძლებელი იქნება, პრობლემების გადაჭრას დღეები დასჭირდება.

„რა თქმა უნდა, მესმის, კონკრეტულ შემთხვევაში თქვენ შეიძლება გქონდეთ რაღაც პრობლემები ბიუროკრატიული იქნება ეს არაბიუროკრატიული, სუბიექტური თუ ობიექტური, გპირდებით, რომ იქ სადაც შესაძლებელი იქნება, ამ პრობლემების გადაჭრას დასჭირდება დღეები. ჩვენთვის ძალიან მნიშვნელოვანია, რომ ეკონომიკაში დამატებითი ენერგია სასწრაფოდ იყოს მობილიზებული. მესმის ჩვენი ფუნქცია, რომ პირველი, დაგეხმაროთ და მოვახდინოთ ტურისტული ბაზრების დივერსიფიცირება, მეორე, შევქმნათ ახალი ტურისტული პროდუქტები და მესამე, დარგში შევქმნათ იდეალური საინვესტიციო გარემო. ესაა ამოცანა, რომელზეც უნდა ვისაუბროთ. საბოლოო მიზანი, რა თქმა უნდა, ძალიან მარტივია, მეტი ტურისტი, მეტი სამუშაო ადგილი, მეტი შემოსავალი და რა თქმა უნდა, ქვეყნის მეტი ცნობადობა. ყველაფერს რომ თავი დავანებით, ეკონომიკური ეფექტების გარდა ტურიზმს სხვა, არანაკლებ მნიშვნელოვანი ეფექტიც აქვს, ესაა ქვეყნის ცნობადობა და დღეს ამას ჩვენთვის, განვითარებადი დემოკრატიისთვის, განვითარებადი ეკონომიკისთვის ძალზედ დიდი მნიშვნელობა აქვს.

მინდა იცოდეთ, რომ ამ მთავრობის, ჩვენი გუნის კარებიც, ტელეფონებიც, ყველაფერი თქვენთვის იქნება წვდომადი, იმისთვის, რომ სადაც ეს შესაძლებელია და სადაც პრობლემების გადაწყვეტას ერთად სწრაფად შევძლებთ, რომ ამ მიზანს მივაღწიოთ. მინდა შემოგთავაზოთ დღეს მაქსიმალურად ღიად,შეზღუდვების გარეშე ვისაუბროთ, ამისთვის მზად ვართ, კრიტიკისაც არასდროს შეგვშინებია და არც დღეს შეგვეშინდება, მითუმეტეს, დარწმუნებულები ვართ, რომ რამენაირად პასუხების გაცემას შევძლებთ,“-განაცხადა გახარიამ.

იხილეთ ვიდეო:

ირაკლი მელაშვილი - საქართველო ადგილობრივი ორგანოების საბჭოურ სისტემაშია ჩარჩენილი, გამოდის რომ ჩვენ არა ევროპისკენ, არამედ აზიური ავტორიტარიზმისკენ მივდივართ
ქართული პრესის მიმოხილვა 05.08.2021
ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
"გრინ კაპიტალი" და საოპერაციო კომპანია "ფრონტერა ისტერნ ჯორჯია" აშშ-ის ელჩს და დიპლომატიურ კორპუსს მიმართავს, დავის მშვიდობიანად დასრულებისთვის საქართველოს მთავრობასთან  უშუამდგომლონ  (R)
„PSP ფარმა“ „საქსტატმა“ საუკეთესო პარტნიორად დაასახელა
Bolt Food უკვე ბათუმშია
“გრინ კაპიტალისა“ და ზაზა მამულაიშვილის მიერ გაკეთებული განცხადება მიზნად ისახავს საზოგადოების შეცდომაში შეყვანას
"ფრონტერა რისორსის ჯორჯია კორპორეიშენის" გენერალური დირექტორი განცხადებას ავრცელებს