ეკატერინე ტიკარაძე  მსოფლიო ბანკის რეგიონალურ დირექტორს შეხვდა

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე მსოფლიო ბანკის ახალ რეგიონალურ დირექტორს სებასტიან მოლინეუს შეხვდა.

როგორც „ინტერპრესნიუსს“ ჯანდაცვის სამინისტროდან აცნობეს, შეხვედრაზე მხარეებმა ჯანმრთელობისა და სოციალური დაცვის მიმართულებით თანამშრომლობის სფეროებზე იმსჯელეს. ამასთან, საუბარი შეეხო ჯანდაცვის სერვისებზე ხელმისაწვდომობის და ხარჯეფექტურობის ზრდის საკითხებს, ჯანმრთელობისა და სოციალური დაცვის სფეროში მმართველობის გაძლიერების შესაძლებლობებს, ასევე ჰოსპიტალური და პირველადი ჯანდაცვის დონეზე სამედიცინო მომსახურების ხარისხის გაუმჯობესებისთვის ინოვაციური მიდგომების დანერგვის საკითხებს.

შეხვედრას მინისტრის პირველი მოადგილე, თამარ გაბუნიაც დაესწრო. მისი თქმით, მსოფლიო ბანკთან თანამშრომლობა სტრატეგიულად მნიშვნელოვანია ჯანდაცვის სისტემის განვითარებისთვის.

„ვისაუბრეთ მთელ რიგ პრიორიტეტულ სერვისებზე, რომელშიც შედის პირველადი ასევე ელექტრონული ჯანდაცვის სისტემის გაძლიერება და მმართველობის სისტემის დახვეწა, იმ თვალსაზრისით, რომ ელექტრონული საშუალებების დანერგვის შედეგად სისტემა უფრო გამჭირვალე გახდეს, რაც დადებითად აისახება სამედიცინო მომსახურების ხარისხზეც. ასევე, ვისაუბრეთ საზოგადოებრივი ჯანმრთელობის სერვისების გაძლიერებაზე. ამას გარდა, სტრატეგიული მნიშვნელობის ღონისძიებებზე, რომელიც გვჭირდება იმისთვის, რომ სისტემამ მიაღწიოს მდგრადი განვითარების ამოცანებს“, - განაცხადა თამარ გაბუნიამ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო