8 ოქტომბერს ფინანსთა სამინისტროს სახაზინო ობლიგაციების აუქციონზე 70 000 000 ლარის ნომინალური ღირებულების 2-წლიანი ვადიანობის ფასიანი ქაღალდები გაიყიდა.
როგორც „ინტერპრესნიუსს“ ეროვნული ბანკიდან აცნობეს, აუქციონში მონაწილეობა ორმა კომერციულმა ბანკმა მიიღო. მოთხოვნამ კი 105 055 000 ლარი შეადგინა. მინიმალური საპროცენტო განაკვეთი 8.080 პროცენტით, მაქსიმალური 8.360 პროცენტით, ხოლო საშუალო შეწონილი 8.189 პროცენტით განისაზღვრა.
ამასთან, კუპონური საპროცენტო განაკვეთი 6.750 პროცენტს შეადგენდა. კუპონის გადახდა მოხდება წელიწადში ორჯერ, ყოველ ექვს თვეში.