გამანაწილებელ ქსელში დაგეგმილი სარეაბილიტაციო სამუშაოების გამო, 9 ოქტომბერს 01:00 საათიდან 03:00 საათამდე ენერგომომარაგება დროებით შეეზღუდებათ მომხმარებლებს სოფელ დიღომში და დიდ დიღომში. ამის შესახებ „ინტერპრესნიუსს“ კომპანია „ენერგო-პრო ჯორჯიადან“ აცნობეს.
მათი ინფორმაციით, 11:00 საათიდან 13:00 საათამდე დენი დროებით გაეთიშებათ მომხმარებლებს თიანეთის მუნიციპალიტეტის სოფლებში: დევენაანთხევი, ხევსურთსოფელი, საყდრიონი, 11:00 საათიდან 17:00 საათამდე - ღულელები, თრანი, ტოლაანთსოფელი, წყაროთუბანი, გუდანელები და მიმდებარე სოფლებს, ასევე 11:00 საათიდან 17:00 საათამდე - სოფლებს: საყდრიონი, ხევსურთსოფელი.
11:00 საათიდან 17:00 საათამდე ელექტროენერგიის მიწოდება შეუწყდებათ მცხეთის მუნიციპალიტეტის სოფლებს: წეროვანი, ჩარდახი, გოროვანი, სხალტბა და მიმდებარე სოფლებს, ხოლო 12:00 საათოდან 18:00 საათამდე - საგურამოსა და ზედაზენს.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.