მალხაზ მაჩალიკაშვილმა მე-5 სართული, სადაც იურიდიულ საკითხთა კომიტეტის სხდომა მიმდინარეობს, დატოვა.
მას შესთავაზეს, რომ სხდომას, სადაც უზენაესი სასამართლოს მოსამართლეობის კანდიდატს, შალვა თადუმაძეს უსმენენ, დასწრებოდა არა უშუალოდ კომიტეტის დარბაზში, არამედ აივნიდან, თუმცა ამაზე მაჩალიკაშვილმა უარი განაცხადა.
მისი თქმით, მას სურდა თვალებში ჩაეხედა თადუმაძისთვის და მოესმინა მისგან პასუხები, თუმცა ამის საშუალება არ მისცეს.
ამ წუთებში მაჩალიკაშვილი პარლამენტის შენობაში, ფრაქცია „ნაციონალური მოძრაობის“ ოთახში იმყოფება.