რუსთავში, 35 წლის დავით მუმლაძის, იგივე ზურა დადეშელის მკვლელობის საქმეზე დაკავებული გიორგი გეთიაშვილის ადვოკატმა ალექსანდრე კობაიძემ მისი დაცვის ქვეშ მყოფის მიმართ აღკვეთის ღონისძიების სახით 500 000-ლარიანი გირაოს გამოყენების შუამდგომლობა დააყენა.

ნახევარმილიონიანი გირაოს გამოყენების შუამდგომლობას დაეთანხმა თავად ბრალდებულიც.

ამ წუთებში, რუსთავის საქალაქო სასამართლოში დავით მუმლაძის მკვლელობის საქმეზე დაკავებული 5 პირის აღკვეთის ღონისძიებაზე მსჯელობენ. დაკავებულების ადვოკატები მათი 10 000-10 000-ლარიანი გირაოს სანაცვლოდ გათავისუფლებას ითხოვენ.

შეგახსენებთ, რომ 35 წლის დავით მუმლაძის ცხედარი მდინარე მტკვარმა, რუსთავში 5 ოქტომბერს გამორიყა. არსებული ინფორმაციით, მას სხეულზე 30-ზე მეტი ჭრილობა ჰქონდა მიყენებული. ოჯახი დავით მუმლაძეს 1-ელი ოქტომბრიდან ეძებდა.