შალვა თადუმაძე - ბატონო კომიტეტის თავმჯდომარე, კითხვებზე უნდა გავცე პასუხი თუ პოეზიის საღამო გვაქვს?

მე ძალიან მრცხვენია, რომ ქვეყანას უდიპლომო მთავარი პროკურორი ჰყავს, თუმცა კიდევ უფრო მრცხვენია და სრულ კატასტროფად მიმაჩნია, რომ ქვეყანას შეიძლება ჰყავდეს უდიპლომო უზენაესი სასამართლოს თავმჯდომარე, - ამის შესახებ „ნაციონალური მოძრაობის“ წევრმა თინა ბოკუჩავამ იურიდიულ საკითხთა კომიტეტის სხდომაზე განაცხადა, სადაც უზენაესი სასამართლოს მოსამართლეობის კანდიდატს, გენერალურ პროკურორს შალვა თადუმაძეს უსმენენ. ბოკუჩავამ თადუმაძეს კითხვა დიპლომთან დაკავშირებით დაუსვა და აღნიშნა, რომ ის უმაღლესი განათლების მიღების თაობაზე ცრუობს.

„მე ძალიან მრცხვენია, რომ ქვეყანას უდიპლომო მთავარი პროკურორი ყავს და კიდევ უფრო მრცხვენია და სრულ კატასტროფად, ქვეყნის აბუჩად აგდებად მიმაჩნია, რომ ქვეყანას შეიძლება ყავდეს, დიდი ალბათობით, იმიტომ, რომ ასე გადაწყვიტა ოლიგრაქმა, მბრძანებელმა ამა ქვეყნისა, უდიპლომო უზენაესი სასამართლოს თავმჯდომარე. როდესაც თქვენ ამბობთ, რომ ჩააბარეთ ნოდარ დუმბაძის ინსტიტუტში, ეს ინსტიტუტი არ არსებობდა, არც იურიდიული სახელწოდებით, არც სარეგისტრაციო სახელი ჰქონდა ასეთი, არც სამეწარმეო სახელი, ამიტომ ნუ ცრუობთ“, - განაცხადა ბოკუჩავამ, რაზეც თადუმაძემ უპასუხა, რომ ის აღარ იცრუებს.

„უბრალოდ უხერხულია პარლამენტის და საზოგადოების წინაშე, რომ 1993 წელს, როდესაც თქვენ ირიცხებოდით ამ ინსტიტუტში, ლიცენზიაც არ ჰქონდა აღნიშნულ დაწესებულებას. ლიცენზირების გარეშე როგორ ახორციელებდა ეს ინსტიტუტი საქმიანობას მე არ მესმის და დარწმუნებული ვარ საზოგადოებასაც არ ესმის“, - განაცხადა ბოკუჩავამ, რაზეც გენერალურმა პროკურორმა მოუწოდა, რომ მისთვის კითხვები დაესვა.

„ბატონო თავმჯდომარე კითხვებზე უნდა გავცე პასუხი თუ პოეზიის საღამო გვაქვს?!“ - მიმართა სხდომის თავმჯდომარეს შალვა თადუმაძემ.

თავის მხრივ, თინა ბოკუჩავამ აღნიშნა, რომ ის სწორედ კითხვას სვამდა და აინტერესებს მისი ერთი თანაკურსელის ვინაობა მაინც, ვისაც მისნაირი დიპლომი აქვს.

„თუ შეგიძლიათ დაგვისახელოთ ერთი თქვენი თანაკურსელი, რომელსაც აქვს იდენტური დიპლომი. თქვენ თქვით რომ მე კორუმპირებული და უდიპლომო გენერალური პროკურორი ვარო, მაგრამ არ ვარ წინასწარმეტყველიო. თუმცა აღმოჩნდით წინასწარმეტყველი, იმიტომ, რომ 1998 წელს იცოდით, რომ 2003 წელს ნოდარ დუმბაძის სახელობის გახდებოდა თქვენი სასწავლებელი“, - განაცხადა ბოკუჩავამ.

თავის მხრივ, შალვა თადუმაძემ აღნიშნა, რომ ასეთ კითხვას უკვე გასცა პასუხი.

„არ მიმიღია არც ერთი ჩემი თანაკურსელისგან თანხმობა, მესაუბრა მის დიპლომზე და მის განათლებაზე ამ ტრიბუნიდან, ამიტომ არ ვსაუბრობ ამ თემაზე. თუ გაინტერესებთ თქვენ, შეგიძლიათ მოიძიოთ“, - განაცხადა თადუმაძემ, რის საპასუხოდაც თინა ბოკუჩავამ აღნიშნა, რომ ასეთი ადამიანი ბუნებაში არ არსებობს.

„ბუნებაში არ არსებობს ასეთი ადამიანი, რადგან თქვენი დიპლომი არის ყალბი“, - დასძინა ოპოზიციონერმა დეპუტატმა.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება