პირადად მაქვს მითითება მიცემული და ნიკა მელია პარლამენტში მოსვლასთან დაკავშირებით არ სარგებლობს პროკურატურასთან შეთანხმებით, - ამის შესახებ უზენაესი სასამართლოს მოსამართლეობის კანდიდატმა, გენერალურმა პროკურორმა შალვა თადუმაძემ იურიდიულ საკითხთა კომიტეტის სხდომაზე, მოსმენისას განაცხადა.
მისივე თქმით, ნიკა მელიას შეუძლია საპარლამენტო საქმიანობა პროკურატურასთან შეთანხმების გარეშე განახორციელოს.
„არ არსებობს არც ერთი შემთხვევა, როცა ნიკა მელიამ მიმართა პროკურორს, უთხრა, რომ მიდიოდა პარლამენტში საპარლამენტო საქმიანობის განსახორციელებლად და პროკურორმა უთხრა უარი,“- აცხადებს შალვა თადუმაძე.
მისივე თქმით, პროკურატურას არ აქვს უფლება ნიკა მელიას უარი უთხრას პარლამენტში მისვლაზე.
„თქვენ არ იცნობთ სასამართლოს გადაწყვეტილებას, იქ წერია, რომ ნიკა მელიას აქვს ვალდებულება, ნებისმიერი მისი გადაადგილება, მათ შორის პარლამენტში, შეათანხმოს საგამოძიებო ორგანოსთან,“ - განაცხადა რომან გოცირიძემ.