გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
როგორც „ინტერპრესნიუსს“ „ენერგო-პრო ჯორჯიადან“ აცნობეს, 10 ოქტომბერს 12:00 საათიდან 15:00 საათამდე ენერგომომარაგება დროებით შეეზღუდებათ მომხმარებლებს ცხვარიჭამიაში, კევლიანში, თეზამსა და ლელუბანში.
11:00 საათიდან 17:00 საათამდე დენი დროებით გაეთიშებათ მომხმარებლებს დუშეთის მუნიციპალიტეტის სოფლებში: ფასანაური, ჭართალი, მუგუდა, ზანდუკი, წითლიანი, წიფორი, დუმაცხო და მიმდებარე სოფლებში, ხოლო 12:00 საათიდან 13:00 საათამდე - სოფლებში: არაგვისპირი, ბოდორნა, აგატი, ბიჩნიგაურები, ჟინვალი, ჭალის აგარაკებზე.
11:30 საათიდან 15:00 საათამდე ელექტროენერგიის მიწოდება შეუწყდებათ დაბა სტეფანწმინდის ნაწილს და ყაზბეგის მუნიციპალიტეტის სოფლებს: სიონი, გარბანი, გორისციხე, ხურთისი, ფანშეტი და მიმდებარე სოფლებს, ხოლო 13:00 საათიდან 13:30 საათამდე - სოფლებს: სნო, არშა, კარკუჩა, ჯუთა, გაიბოტენი და მიმდებარე სოფლებს.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.