ყანდაურაში მომხდარ მკვლელობაზე, თელავის რაიონულ სასამართლოში, 85 წლის ომარ გამყრელიძის და მისი შვილიშვილის გაერთიანებული საქმის არსებითი განხილვა გრძელდება.
სხდომაზე დაცვის მხარის ერთი მოწმე დისტანციური წესით დაიკითხა.
შინაგან საქმეთა სამინისტროს საექსპერტო-კრიმინალისტიკური დეპარტამენტის ექსპერტმა თამარ თოდაძემ დეტალურად განმარტა შემთხვევის ადგილიდან ამოღებული მტკიცებულებების ექსპერტიზაზე მიღებული შედეგები. მისი თქმით, იარაღსა და ვაზნებზე თითის ანაბეჭდები ვერ აღმოაჩინეს, ვინაიდან არსებული მასალები იდენტიფიცირებისთვის უვარგისი იყო.
დღევანდელ სასამართლო სხდომას ჯანმრთელობის მდგომარეობის გამო არ ესწრებოდა 85 წლის ომარ გამყრელიძე.
სახელმწიფო ბრალდება 85 წლის ომარ გამყრელიძეს მკვლელობაში დახმარებას, ხოლო მის შვილიშვილს საბრძოლო მასალის უკანონო შეძენა-შენახვას ედავება.
მორიგი სასამართლო სხდომა 28 ოქტომბერს,16:00 საათზე ჩაინიშნა.