10 ოქტომბერს „ინტერაქტიული სემინარი ჯანსაღ კვებაზე“ გაიმართება

10 ოქტომბერს, ტერმინალი ვაკეში გაიმართება „ინტერაქტიული სემინარი ჯანსაღ კვებაზე“. ღონისძიება დაავადებათა კონტროლის ეროვნული ცენტრის სახელმწიფო პროგრამის - „ჯანსაღი კვების შესახებ განათლების“ ფარგლებში ტარდება. ამის შესახებ „ინტერპრესნიუსს“ დაავადებათა კონტროლის ეროვნული ცენტრიდან აცნობეს.

მათი ინფორმაციით, სპიკერებს შორის იქნებიან: საზოგადოებრივი ჯანდაცვის სპეციალისტი - ბრენდაისის უნივერსიტეტის, ჯანდაცვის პოლიტიკისა და მენეჯმენტის ფაკულტეტის მაგისტრი, ანი ნიორაძე; დაავადებათა კონტროლის ეროვნული ცენტრი, ნინო სარაშვილი; "ნამუ"-ს დამფუძნებელი, ანა ტიკარაძე და "კივი კაფეს" დამფუძნებელი, სორუშ ნეგაჰდარი

„სემინარის მიზანია, ხელი შეუწყოს ჯანსაღი კვების პოპულარიზაციას საქართველოში. შეხვედრაზე განიხილება ისეთი საკითხები, როგორებიცაა: როგორ და რატომ უნდა დავიწყოთ ჯანსაღი კვების ადვოკატირება; სახლსა თუ კაფეში ჯანსაღ კერძს ვერ მოვამზადებთ, თუკი "ბიზნესი" ჯანსაღ პროდუქტს არ აწარმოებს; სოციალური პასუხისმგებლობა ყველამ უნდა გაიაზროს და იზრუნოს თავის მომხმარებლებზე. თავის მხრივ, მომხმარებელი, ანუ ჩვენ, ინფორმირებულები უნდა ვიყოთ, თუ რატომ უნდა ავირჩიოთ ჯანსაღი კვება, რას ნიშნავს ის, რატომ უნდა ვუთხრათ უარი მარილსა და შაქარს და როგორ წავიკითხოთ ეტიკეტი.

სწორედ ამიტომ, თემაზე სასაუბროდ ვიწვევთ პროფესიონალებს, ხოლო სტუმრებს შორის იქნებიან: „კარფურის“ ხარისხის მენეჯერი, „გეოპროვიჟენის“ სურსათის უვნებლობის და ხარისხის მენეჯერი, რესტორნების შეფ-მზარეულები, საჯარო სკოლების დირექტორები და დაინტერესებული პირები.

ღონისძიება 19:00 საათზე დაიწყება და 21:00 საათამდე გაგრძელდება“, - აღნიშნულია დაავადებათა კონტროლის ეროვნული ცენტრის მიერ გავრცელებულ ინფორმაციაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს