შალვა თადუმაძის განცხადებით, მთავარი პრობლემა არის გადაწყვეტილების მიღების სისწრაფე პროკურატურაში

პროკურატურა არ არის ის უწყება, რომლის საქმიანობაც ყველასთვის მოსაწონია“, - ამის შესახებ უზენაესი სასამართლოს მოსამართლეობის კანდიდატმა შალვა თადუმაძემ კომიტეტის სხდომაზე განაცხადა.

მისივე თქმით, მთავარი პრობლემა - ეს არის გადაწყვეტილების მიღების სისწრაფე პროკურატურაში.

„მინდა გავიხსენო ის პერიოდი, როდესაც მე გენერალური პროკურორი გავხდი და ის მდგომარეობა, რაც მაშინ პროკურატურაში იყო. მთავარი პრობლემა - ეს არის გადაწყვეტილების მიღების სისწრაფე პროკურატურაში. ამ მიმართულებით შევქმენი ფორმატი, რომელიც უზრუნველყოფს, რომ პროკურორებმა ადგილებზე შეძლონ გადაწყვეტილების მიღება, ზემდგომის, ამ შემთხვევაში გენერალური პროკურორის, ჩარევის გარეშე. ამ ფორმატის ფარგლებში ჩვენ რამდენიმე რეკომენდაცია შევიმუშავეთ“, - აღნიშნა უზენაესი სასამართლოს მოსამართლეობის კანდიდატმა.

თადუმაძის განმარტებით, პროკურატურა არ არის ის უწყება, რომლის საქმიანობაც ყველასთვის მოსაწონია.

„ჩვენ დავიწყეთ კიდევ ერთი უმნიშვნელოვანესი საკითხი - ეს იყო განათლების სტრატეგია, რომელიც უზრუნველყოფდა თითოეული პროკურორის კარიერის დაგეგმვას, მათ დაწინაურებას და სოციალურ უზრუნველყოფას. პროკურატურაში გადაწყვეტილებებს სწრაფად იღებენ იმ ფონზე, როდესაც 200 ათასამდე მიმდინარე საქმეა. ჩემი გენპროკურორობის მანძილზე ყველა გახმაურებულ საქმეზე მაქსიმალურად ვეცადე და ახლაც ვცდილობ, რაც შეიძლება მალე იქნას მიღებული შემაჯამებელი გადაწყვეტილებები. ხშირად ვისმენ კრიტიკას, მაგრამ ეს ჩვეულებრივი ამბავია. პროკურატურა ეს არ არის უწყება, რომლის საქმიანობაც ყველასთვის მოსაწონია“, - განაცხადა თადუმაძემ.

რაც შეეხება დეპუტატ დავით მათიკაშვილის კითხვას, რა უშლის ხელს შემაჯამებელი გადაწყვეტილების მიღებას, შავლა თადუმაძემ აღნიშნა, რომ პროკურატურაში ამ მიმართულებით თავდაჯერებულობის ნაკლებობაა.

„შემაჯამებელი გადაწყვეტილების დროულად მიღებას, ერთი მხრივ, ხელს უშლის თავდაჯერებულობის ნაკლებობა პროკურატურაში, როდესაც პროკურორი ფიქრობს თითოეული ნაბიჯი უფროსს უნდა შეუთანხმოს. მეორე მხრივ, განათლების ნაწილში საკმაოდ სერიოზული მიმართულებები, რათა ტრეინინგები არ ყოფილიყო ტრენინგებისთვის, ტრეინინგები ყოფილიყო შეფასებისთვის და ეს შეფასება ყოფილიყო შემდგომ კარიერისთვის“, - განაცხადა შალვა თადუმაძემ.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ