თურქეთმა და სირიის ეროვნულმა არმიამ სირიაში სამხედრო ოპერაცია დაიწყეს. „ჩვენი მიზანია ტერორისტული დერეფნის განადგურება და რეგიონში მშვიდობის დამყარება“, - წერს თურქეთის პერზიდენტი, რეჯეფ ტაიფ ერდოღანი „თვითერის“ საკუთარ გვერდზე.

„ჩვენ დავიცავთ სირიის ტერიტორიულ მთლიანობას და რეგიონის ხალხს გავათავისუფლებთ ტერორისტების ბრჭყალებისგან“, - აცხადებს პრეზიდენტი.

„როიტერსის“ ინფორმაციით, სირიის დემოკრატიული ძალების წარმომადგენელი, მუსტაფა ბალი აცხადებს, რომ თურქეთმა ჩრდილოეთ სირიაზე ავიადარტყმები განახორციელა. „ხალხში პანიკაა“, - წერს ბალი „თვითერის“ გვერდზე.