პარლამენტის ჯანდაცვისა და ევროპასთან ინტეგრაციის კომიტეტებმა 2020 წლის  ბიუჯეტის პროექტის პირველად ვერსიას მხარი დაუჭირეს

პარლამენტის ჯანმრთელობის დაცვისა და სოციალურ საკითხთა და ევროპასთან ინტეგრაციის კომიტეტების ერთობლივი სხდომაზე 2020 წლის სახელმწიფო ბიუჯეტის პროექტის პირველად ვერსიას მხარი დაუჭირეს. ქვეყნის მთავარი ფინანსური დოკუმენტი დეპუტატებს ფინანსთა მინისტრის მოადგილემ, გიორგი კაკაურიძემ წარუდგინა.

მან ძირითადი ეკონომიკური მაჩვენებლების და მაკროეკონომიკური პარამეტრების წარდგენისას, მომავალ წელს მთლიან შიდა პროდუქტთან მიმართებაში დაგეგმილ ეკონომიკურ ზრდაზე, სახელმწიფო ბიუჯეტის შემოსულობებზე და მის ხარჯვით ნაწილზე ისაუბრა.

როგორც ჯანდაცვისა და სოციალურ საკითხთა კომიტეტის თავმჯდომარე აკაკი ზოიძემ სხდომის დასრულების შემდეგ განაცხადა, მედიკამენტების ნაწილში დაფინანსება უნდა გაიზარდოს და შენიშვნებიც სწორედ აღნიშნულს უკავშირდებოდა.

"ოპოზიცია იმისთვისაა, რომ აკრიტიკოს. თუ რომელიმე ბიუჯეტი სიღარიბის დაძლევისკენ არის მიმართული , სწორედ ეს ბიუჯეტი გახლავთ. დაბალანსებულია ის პროექტები, რომლებიც სამუშაო ადგილებს შექმნიან, შესაძლებლობების ფარგლებში მაქსიმუმი არის გაკეთებული. რაც არის ნამატი წინა წელთან შედარებით მიემართება ადამიანების ოჯახებში. ეს არის პენსიები, ხელფასები მოწყვლადი ნაწილისთვის-ექიმები, მასწავლებლები, ჯარისკაცები, პოლიციელები. ასევე , შემწეობები შშმ პირებისთვის. აქცენტი არის გაკეთებული ჯანდაცვაზეც. შენიშვნები ძირითადად დაკავშირებული იყო, რომ პრევენციის ნაწილში გამონახულიყო რესურსები, თუნდაც შიდა განაწილების ხარჯზე, რადგან მხოლოდ სამკურნალო პროგრამები შენარჩუნდა და პრევენციული პროგრამები შემცირდა. ეს არ შეიძლება. ასევე, წამლით უზრუნველყოფა არის თემა, რომელიც ჩვენ მოქალქეებს აწუხებთ და ამ მიმართულებით შემცირება მიუღებელია. აუცილებლად, შიდაგადანაწილებით ან სხვა რეზერვების გამონახვით, წამლის პრობლემაზე შემცირების ნაცვლად მეტი ბიუჯეტი უნდა გამოინახოს",-განაცხადა აკაკი ზოიძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს