შალვა თადუმაძე - სახელმწიფოსთვის, რამდენიმე მაღალი თანამდებობის პირისთვის და თავად ეკა გიგაურისთვის არ იქნება უმჯობესი, ამ ტრიბუნაზე, ამ ფორმატში რაიმე განცხადება გავაკეთო

ქალბატონი ეკა გიგაური, რომელიც აქტიურად არის დაკავებული ჩემი დიპლომის ძებნით... მე მგონია რომ სახელმწიფოსთვის, რამდენიმე მაღალი თანამდებობის პირისთვის და თავად ეკა გიგაურისთვის არ იქნება უმჯობესი, მე დღეს ამ ტრიბუნაზე, ამ ფორმატში რაიმე განცხადება გავაკეთო, მე მესმის ეს დიპლომის ამბავი, - ამის შესახებ უზენაესი სასამართლოს მოსამართლეობის კანდიდატმა შალვა თადუმაძემ პარლამენტის იურიდიულ კომიტეტში მიმდინარე მოსმენისას განაცხადა.

მან აღნიშნა, რომ 18 წლის განმავლობაში საკუთარი დიპლომი არ დაუმალავს და სხვადასხვა კონკურსებში მონაწილეობისას თვითონვე არაერთხელ გამოაქვეყნა.

„ბუნებრივია, მე თავიდანვე მქონდა გაცნობიერებული დიპლომის ამბავი, საკუთარი ნებით გამოვაქვეყნე ეს დიპლომი და არაერთხელ მაქვს ეს დიპლომი გამოქვეყნებული სხვადასხვა კონკურსებში მონაწილეობით, მაშ შორის კონკურსში რომელიც მონიტორინგის კუთხით გავნახორციელეთ ჩვენმა არასამათავრობო ორგანიზაციამ, რამდენად ობიექტურად ხდება ადამიანების სამსახურში აყვანა. 18 წლის განმავლობაში მე ჩემი დიპლომი არ დამიმალავს . 1999 წელს ეს დიპლომი წარდგენილი მაქვს თავდაცვის სამინისტროში, პირად საქმეში არსებობს. მე კონკურსებში ვმონაწილეობდი ამ დიპლომით და სამსახურში მიყვანდნენ, როგორც კვალიფიციურ იურისტს. გვაქვს რაიმე დოკუმენტი სადაც წერია რომ შალვა თადუმაძის დიპლომი არის ყალბი ან შალვა თადუმაძეს არ შეეძლო იმ დროს ისეთი განათლება მიეღო და ისეთი დიპლომი ჰქონოდა, ასეთი დოკუმენტი არ არსებობს “,- განაცხადა შალვა თადუმაძემ.

მან აღნიშნა, რომ რამდენიმე არასამთავრობო ორგანიზაციის მიერ გამოთქმული ეჭვების გამო, იგი მისი განვლილი, 18 წლიანი იურიდიული საქმიანობის უარყოფას არ აპირებს.

„2001 წლიდან აქტიურ იურიდიულ საქმიანობას ვეწევი. შეიძლება ითქვას რომ არც ერთი ხელისუფლებისათვის დამოუკიდებელ იურისტად მისაღები არ ვიყავი. 2006 წელს აქტიურ საადვოკატო საქმიანობას ვეწევი. ამ დიპლომით წარვდექი ადვოკატთა ასოციაციაში, ჩავაბარე გამოცდები და მივიღე ადვოკატის საქმიანობის ლიცენზია და ახლა იმიტომ, რომ რამდენიმე ან არაკვალიფიციური ან არაკეთილსინდისიერი არასამთავრობო ორგანიზაცია ეჭვს გამოთქვამს ჩემს დიპლომზე, ამიტომ მე უარი უნდა ვთქვა ჩემს 18 წლიან მუშაობაზე?! მე აღარ ვიხსენებ, რა მუშაობა და რა პირობები მაქვს გადატანილი იმ პერიოდის განმავლობაში. ეს დიპლომი არის ნამდვილი. ვინმეს მოსწონს, თუ არ მოწონს, ეს დიპლომი გაიცემოდა კანონის თანახმად მე ეს დიპლომი მივიღე და ამ დიპლომით მე ჩემი კარიერა შევქმენი“,- აღნიშნა შალვა თადუმაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს