რუსეთის საგარეო უწყება - ჟენევის მოლაპარაკებებზე ყურადღება გავამახვილეთ საქართველოს ნატოში ჩათრევის განუწყვეტელ მცდელობებზე

რუსეთის საგარეო საქმეთა სამინისტრო ჟენევის მოლაპარაკებების 49-ე რაუნდთან დაკავშირებით განცხადებას ავრცელებს.

„ყურადღების ფოკუსში აღმოჩნდა ქართულ-სამხრეთ ოსურ სასაზღვრო რაიონის სოფელ წნელისთან დაძაბულობა, რომლის პროვოცირებაც გამოიწვია თბილისის გადაწყვეტილებამ, განეთავსებინა პოლიციის პოსტი უშუალოდ ამ სოფელთან. ამან აიძულა ცხინვალი, მიეღო საპასუხო ზომები, თავისი ბლოკპოსტის განთავსებისა და საქართველოსთან საზღვრის დროებით ჩაკეტვის ჩათვლით. ჩვენ გავაცანით მხარეებს ჩვენი მიდგომა მდგომარეობის დარეგულირებასთან დაკავშირებით. მოვუწოდეთ მხარეებს, გამოიჩინონ თავშეკავება, ასევე გადადგან ნაბიჯები მდგომარეობის დეესკალაციისთვის, რისთვისაც გამოიყენონ პირდაპირი დიალოგის ფორმატი არსებული მოლაპარაკებების მექანიზმების ფარგლებში. ასეთმა პოზიციამ ჟენევის დისკუსიების მონაწილეთა შორის მხარდაჭერა ჰპოვა“, - აღნიშნულია რუსეთის საგარეო უწყების განცხადებაში.

განცხადების მიხედვით, რუსულმა, აფხაზურმა და ოსურმა მხარეებმა აქცენტი გააკეთე ჟენევის დისკუსიების მონაწილეების მიერ ძალის გამოუყენებლობის შესახებ განცხადების შესათანხმებლად ძალისხმევის გაგრძელების მნიშვნელობაზე.

„ყურადღება გავამახვილეთ საქართველოს ნატოში ჩათრევის განუწყვეტელ მცდელობებზე, ამ ქვეყნის სამომავლო მილიტარიზაციაზე, მის ტერიტორიაზე ჩრდილოატლანტიკური ალიანსის სამხედრო წვრთნების რეგულარულად ჩატარებაზე. აფხაზეთთან და სამხრეთ ოსეთთან ერთად, ამ პროცესებს ვაფასებთ, როგორც რეგიონული უსაფრთხოების ძირის გამოთხრას“, - აღნიშნულია განცხადებაში.

განცხადების მიხედვით, საქართველოს დელეგაციის გარდა, ჟენევის დისკუსიების სხვა მონაწილეების მიერ წნელისისა და სხვა პრობლემური მონაკვეთების გამოკლებით, აფხაზეთთან და ე.წ. სამხრეთ ოსეთთან „საზღვრებზე“ ვითარება სტაბილურად შეფასდა.

განცხადების მიხედვით, ჟენევის მოლაპარაკებების 49-ე რაუნდის ყველა მონაწილემ მხარი დაუჭირა თანამშრომლობას ჰუმანიტარული პრობლემების მოგვარების საკითხში, ე.წ. საზღვრის გადალახვის გამარტივების, მოსახლეობას შორის კონტაქტების გაილებით და უგზო-უკვლოდ დაკარგულთა ძებნის ჩათვლით.

რუსეთის საგარეო უწყების ინფორმაციით, მხარეები შეთანხმდნენ, რომ ჟენევის მოლაპარაკებების მორიგი რაუნდი დეკემბერში გაიმართება.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა