შეერთებულმა შტატებმა სირიიდან პატიმრობაში მყოფი „ისლამური სახელმწიფოს“ ორი უმაღლესი სამხედრო პირი გაიყვანა, მანამ, სანამ თურქეთი ქვეყნის ჩრდილო-აღმოსავლეთით თავდასხმას განახორციელებდა. ინფორმაცია მედიას თეთრი სახლიდან მიაწოდეს ანონიმურობის მოთხოვნით. წყაროს ინფორმაციით, ორივე პირი უსაფრთხო ადგილას იმყოფება.

ამავე დღეს, ცოტა ხნით ადრე, პრეზიდენტმა დონალდ ტრამპმა განაცხადა, რომ შეერთებული შტატები ქვეყნიდან გაიყვანდა „გარკვეული რაოდენობის „ისლამური სახელმწიფოს“ მებრძოლებს“, რადგან შესაძლებელი იყო ქურთულ ძალებს ვერ უზრუნველყოთ ტყვეობაში მყოფი „ისლამური სახელმწიფოს“ სამხედროების სათანადო გაკონტროლება.

წყარო აცხადებს, რომ ამ ორი სამხედროს სახელი, რომლებსაც „ბითლზებად“ მოიხსენიებენ, ყველაზე სასტიკ დანაშაულებებს უკავშირდება. „ვაშინგტონ პოსტის“ ინფორმაციით, მათი გადაყვანა შეერთებული შტატების სამხედრო ციხეში მოხდება.