მამუკა მდინარაძე ვანო ზარდიაშვილზე - ვიცოდი, რომ პარტიას არ ტოვებდა - ჩემთვის არ უთქვამს, რომ პოლიტიკას არასდროს გაეკარება

ვანო ზარდიაშვილთან არ მქონია კონტაქტი და შესაბამისად, მას ჩემთვის არ უთქვამს, რომ პოლიტიკას არასდროს გაეკარება, ასეთი საკითხი ზარდიაშვილთან არ გამივლია, - ამის შესახებ ფრაქცია „ქართული ოცნების” თავმჯდომარე მამუკა მდინარაძემ ჟურნალისტებს განუცხადა, როდესაც გამოეხმაურა ვანო ზარდიაშვილის „ინტერპრესნიუსთან“ გაკეთებულ განცხადებას, რომ პოლიტიკიდან მიდის.

მამუკა მდინარაძის თქმით, მას ამ დრომდე ჰქონდა ინფორმაცია, რომ ზარდიაშვილი პარტიაში რჩებოდა.

ვანო ზარდიაშვილთან ამაზე კომუნიკაცია არ მქონია, არ მიკითხავს მიდის თუ არა პოლიტიკიდან. ვიცოდი, რომ პარტიას არ ტოვებს და წავიდა პარლამენტიდან. ზარდიაშვილი ამბობდა, რომ იქნებოდა პარტიის აქტიური წევრი და არჩევნებშიც დაეხმარებოდა პარტიას. „იმედია არასდროს დავბრუნდები” - ეს ტერმინი მან თუ გამოიყენა, არ მიკვირს, რადგან თვეების წინ საუბრობდა პირადად ჩემთან, რამდენად აბრალებდნენ მას ბევრ რაღაცას, ტალახს ესროდნენ. წუხდა ამაზე მისი ოჯახიდან და სხვა ფაქტორებიდან გამომდინარე”,-აცხადებს მდინარაძე.

საპარლამენტო უმრავლესობის ყოფილი დეპუტატი ვანო ზარდიაშვილი პოლიტიკიდან მიდის. ამის შესახებ ზარდიაშვილმა „ინტერპრესნიუსს“ განუცხადა.

„პოლიტიკიდან წავედი! დიდი იმედი მაქვს, რომ ცხოვრებაში აღარ მოვალ პოლიტიკაში“, - განაცხადა ვანო ზარდიაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს