საქმე აღძრეს ყველა ტელევიზიის წინააღმდეგ, ვინც არ ემორჩილება, მაგრამ გინდ დამიჭირონ, გინდ - არა, - ამის შესახებ ბიზნესმენმა ავთო წერეთელმა საქალაქო სასამართლოსთან განაცხადა, სადაც „თიბისი ბანკის“ საქმეზე სასამართლო პროცესი იმართება.
როგორც ავთო წერეთელი აცხადებს, ეს პროცესები უკავშირდება 2020 წლის არჩევნებს.
„ეს არის იქითკენ მიმართული, რომ შეაშინონ ხალხი, დაიჭირონ, საქმე აღძრეს ყველა ტელევიზიის წინააღმდეგ, ვინც არ ემორჩილება, მაგრამ გინდ დამიჭირონ, გინდ - არა. ჩვენი ტელევიზია არ იქნება მიკერძოებული არასდროს, იქნება თავისუფალი როგორც არის. ეს იქნება დამოუკიდებელი ტელევიზია, როგორც არის დღეს და იქნება ასე “, - აღნიშნა ავთო წერეთელმა.