ტურიზმის ეროვნულმა ადმინისტრაციამ სასტუმროების 100-მდე თანამშრომელი გადაამზადა

მომსახურების ხარისხის გაუმჯობესების მიზნით, ეკონომიკისა და მდგრადი განვითარების სამინისტოს ტურიზმის ეროვნული ადმინისტრაცია ტრენინგებს აგრძელებს.

როგორც „ინტერპრესნიუსს“ ტურიზმის ადმინისტრაციიდან აცნობეს, განთავსების ობიექტების წარმომადგენლებისათვის საერთაშორისო ბრიტანელმა ტრენერმა მონიკა ქუარელმა 5- დღიანი სემინარი გამართა. სწავლებაში კერძო სექტორის 100-მდე წარმომადგენელი მონაწილეობდა. ტრენინგის დასრულების შემდეგ განთავსების ობიექტების წარმომადგენლებს სპეციალური სერთიფიკატები გადაეცათ.

ტრენინგი „გუნდური მუშაობის პრინციპები“ შემდეგ თემატიკას მოიცავდა: გუნდის ფორმირების ეტაპები და საფეხურები; გუნდური მუშაობის უნარების გამოვლენა; ჯგუფის საქმიანობის გაუმჯობესება ტრენინგის და განვითარების მეშვეობით; ჯგუფის წევრებთან სწორი ფორმით კომუნიკაცია; გუნდის შექმნა ადამიანების ეფექტური მართვისა და მოტივაციისათვის და სხვა.

„ტურიზმის ეროვნული ადმინისტრაცია აგრძელებს მასშტაბურ გადამზადების პროგრამას. ჩვენ გვქონდა ძალიან საინტერესო ტრენინგი, რომლის ფარგლებშიც გადავამზადეთ განთავსების ობიექტების ასამდე თანამშრომელი მთელი საქართველოს მასშტაბით. ჩვენ კერძო სექტორს სრულიად უსასყიდლოდ ვთავაზობთ ტრენინგებს, რომ ტურიზმის სფეროში განავითარონ უნარ-ჩვევები ან შეიძინონ ახალი პროფესია.“-განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო