ზაალ უდუმაშვილი - ნიკა მელიას საქმესთან დაკავშირებით ყველაფერი ისე წავა, როგორც წინასწარაა გაწერილი

"ნაციონალური მოძრაობის" წევრის, ზაალ უდუმაშვილის განცხადებით, ნიკა მელიას ბრალდების საქმესთან დაკავშირებით "ყველაფერი ისე წავა, როგორც წინასწარაა გაწერილი".

"არანაირი მნიშვნელობა არ აქვს ამ პროცესს დავესწრებით თუ არა ჩვენ და დაესწრება, თუ არა ნიკა მელია. ყველა კარგად ვხედავთ, რომ ამ პროცესების სცენარი წინასწარაა გაწერილი და ამ სცენარს მოსამართლე, უბრალოდ, მიყვება. როგორ წარმოგიდგენიათ, მოსამართლე, რომელმაც ამ აბსურდულ საქმეზე მიიღო გადაწყვეტილება, რომ ნიკა მელიასთვის ხელზე სამაჯური დაედო, იმ მოსამართლისგან ჩვენ უნდა ველოდოთ, რომ სამართლიან გადაწყვეტილებას მიიღებს?! ეს ხომ აბსურდია? ყველაფერი ისე წავა, როგორც წინასწარაა გაწერილი", - განაცხადა ზაალ უდუმაშვილმა.

ცნობისთვის, ბრლადებული დეპუტატი ნიკა მელია მოსამართლე გიორგი კერატიშვილმა სასამართლო სხდომის დარბაზიდან გააძევა. წინასასამართლო სხდომაზე, სადაც მხარეები მტკიცებულებების დასაშვებობაზე მსჯელობდნენ, ბრალდებულმა მიმართა მოსამართლეს, გაეთვალისწინებინა მისი ადვოკატის შუამდგომლობა და შესაბამის დროში ემსჯელა მისთვის აღკვეთის ღონისძიების შეცვლის თაობაზე, მოეხსნებოდა თუ არა მას ელექტრონული სამაჯური. ამასთან, მელიამ მოსამართლეს რეპლიკებით მიმართა, რასაც მასსა და მოსამართლეს შორის შეკამათება მოჰყვა. ნიკა მელიამ მოსამართლეს უთხრა, რომ "ჩაქუჩი დაურტყას ჩინაჩალაძეს, მურუსიძეს და თადუმაძეს", თავის მხრივ კი, მოსამართლემ მელიას დარბაზი დაატოვებინა.

შეგახსენებთ, დეპუტატ ნიკა მელიას აღკვეთის ღონისძიების სახით გირაო აქვს შეფარდებული. ასევე, სასამართლოს გადაწყვეტილებით, მას ელექტრონული სამაჯური უკეთია. ამასთან, ნიკა მელიას პროკურატურის ნებართვისა და წინასწარი შეტყობინების გარეშე გადადგილების უფლება არ აქვს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება