თამარ ჩუგოშვილი - პრემიერ-მინისტრის ვიზიტის პირველი შედეგი ჩანს და მისასალმებელია

პრემიერ-მინისტრის, გიორგი გახარიას ვიზიტის პირველი შედეგი ჩანს და მისასალმებელია,- ამის შესახებ პარლამენტის პირველმა ვიცე-სპიკერმა თამარ ჩუგოშვილმა ჟურნალისტებთან დავით გარეჯის საკითხთან დაკავშირებით განაცხადა. მისი თქმით, აზერბაიჯანში საქართველოს პრემიერის შეხვედრამ კონკრეტული შედეგი მოიტანა.

„მუშაობა არის გასაგრძელებელი. 25 წელია ჩვენ დემარკაციის პრობლემა გვაქვს და ვერც ერთი ხელისუფლების პირობებში მისი მოგვარება ვერ მოხდა, ამიტომ მუშაობა უნდა გაგრძელდეს“, - განაცხადა თამარ ჩუგოშვილმა.

შეგახსენებთ, საქართველოს პრემიერ-მინისტრი გიორგი გახარია 9 ოქტომბერს პირველი ოფიციალური საგარეო ვიზიტით აზერბაიჯანში იმყოფებოდა. დღეს გამართულ მთავრობის სხდომაზე კი გახარიამ განაცხადა, რომ ხვალიდან ქართული სამღვდელოებისთვის დავით გარეჯის კომპლექსის ფარგლებში არსებული ეკლესიები გაიხსნება.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს