თუ რაიმე მექანიზმები არსებობს, რომ შალვა თადუმაძის დიპლომთან დაკავშირებული კითხვები გაიფანტოს, კანდიდატმა ის უნდა გამოიყენოს,- ამის შესახებ პარლამენტის პირველმა ვიცე-სპიკერმა თამარ ჩუგოშვილმა ჟურნალისტებთან განაცხადა.
ამასთან, მისივე თქმით, იურიდიულ საკითხთა კომიტეტის სხდომა საკმაოდ ხმაურიანი იყო, სადაც მოვისმინეთ საკმაოდ შეურაცხმყოფელი გამოსვლები ოპონენტების მხრიდან.
„იმის მიუხედავად, რომ ოპოზიცია მისი კომპეტენციის დადგენის ნაცვლად პირად შეურაცხყოფაზე გადადიოდა, მე ვფიქრობ, რომ ვინაიდან ამდენი კითხვა გაჩნდა, თუ რაიმე მექანიზმი არსებობს იმისა, რომ ეს კითხვები გაიფანტოს, კანდიდატმა უნდა გამოიყენოს,"- განაცხადა თამარ ჩუგოშვილმა.
შეგახსენებთ, გუშინ იურიდიულ საკითხთა კომიტეტზე უზენაესი სასამართლოს მოსამართლეობის კანდიდატს, მოქმედ გენერალურ პროკურორს, შალვა თადუმაძეს მოუსმინეს. კომიტეტზე ყველაზე მეტი კითხვა მის დიპლომთან დაკავშირებით დაისვა.