გეგმურ სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

როგორც ინტერპრესნიუსს კომპანია „ენერგო-პრო ჯორჯიადან“ აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო 11 ოქტომბერს 11:00-დან 18:00 საათამდე ენერგომომარაგება დროებით შეეზღუდებათ მომხმარებლებს მცხეთაში არსაკიძის, გამსახურდიას, მამულაშვილის, ანტიოქიის, კანდელაკის, ქინძმარეულის და მიმდებარე ქუჩებზე, ხოლო 11:00-დან 13:00 საათამდე - მცხეთის მუნიციპალიტეტის სოფლებში მუხრანი, ვარდისუბანი, ქსოვრისი, ძველი ქანდა, ბურიანი.

ამასთან, 11 ოქტომბერს 14:05-დან 16:30 საათამდე დენი დროებით გაეთიშებათ მომხმარებლებს სოფლებში დიღომი, დიდგორი, ვეძისი, თელოვანი, ხოლო 14:10-დან 18:00 საათამდე - დაბა ზაჰესში.

12:00-დან 15:00 საათამდე ელექტროენერგიის მიწოდება შეუწყდებათ ყაზბეგის მუნიციპალიტეტის სოფლებს - სნო, არშა, კარკუჩა, ჯუთა, გაიბოტენი და მიმდებარე სოფლებს.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.