კოალიციის შექმნა არჩევნების შედეგებთან არის დაკავშირებული, რამდენად შეძლებს რომელიმე პარტია თვითონ აიღოს უმრავლესობა. თუ ვერ შეძლებს, შემდეგ უკვე შეიძლება ვისაუბროთ კოალიციების შექმნაზე, - ამის შესახებ საქართველოს პარლამენტის თავმჯდომარის პირველმა მოადგილემ თამარ ჩუგოშვილმა მედიას განუცხადა, რითაც მან 2020 წლის საპარლამენტო არჩევნებზე კოალიციის შექმნის თაობაზე დასმულ კითხვას უპასუხა.

მისი თქმით, ერთი წელი ქართულ პოლიტიკაში საკამოდ ბევრი დროა და როგორ განვითარდება მოვლენები, ამის თქმა რთულია.

„კოალიციის შექმნა არჩევნების შედეგებთან არის დაკავშირებული. წინასწარ აღნიშნულზე ვარაუდების გამოთქმა შეუძლებელია. ეს კავშირშია იმასთან, თუ როგორ გადანაწილდება ხმების პროცენტულობა და რამდენად შეძლებს რომელიმე პარტია თვითონ აიღოს უმრავლესობა. იმ შემთხვევაში, თუ ვერ შეძლებს, შემდეგ უკვე შეიძლება ვისაუბროთ კოალიციების შექმნაზე.

რომელი პარტიები მიიღებენ არჩევებში მონაწილეობას და ვინ რა პროცენტს აიღებს, ახლა ამის ვარაუდი ძალიან რთულია“, - განაცხადა ჩუგოშვილმა.