ეკონომიკის მინისტრის მოადგილე - საქართველო ასრულებს რეგიონული ჰაბის ფუნქციას და მნიშვნელოვანი რგოლია ევროპა-აზიის სატრანსპორტო დერეფანში

ეკონომიკისა და მდგრადი განვითარების მინისტრის მოადგილის, გენადი არველაძის განცხადებით, აბრეშუმის გზის ფორუმმა, წინა ფორუმებთან შედარებით, მეტი მასშტაბურობა შეიძინა და წელს არის სიახლეც - ისეთი საერთაშორისო ორგანიზაციები, როგორიც არის ევროპის საინვეტიციო ბანკი, აზიის განვითარების ბანკი, მსოფლიო ბანკი და გაეროს ოფისი ფორუმის ფარგლებში სხვადასხვა ღონისძიებებს განახორციელებენ.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, 2019 წლის 22-23 ოქტომბერს თბილისში დაგეგმილი აბრეშუმის გზის ფორუმის შესახებ გენადი არველაძემ მედიის წარმომადგენლებთან სასტუმრო „ბილტმორში“ ისაუბრა, სადაც დღეს ფორუმის საორგანიზაციო შტაბი გაიხსნა.

მინისტრის მოადგილის შეფასებით, საქართველო ასრულებს რეგიონული სატრანსპორტო-ინფრასტრუქტურული და სამრეწველო ჰაბის ფუნქციას და მნიშვნელოვანი რგოლია ევროპა-აზიის სატრანსპორტო დერეფანში. მისი თქმით, საქართველოს ჩართულობა ამ მასშტაბის პროექტში ზრდის სავაჭრო-ეკონომიკურ კავშირებს საქართველოსა და პროექტში მონაწილე სახელმწიფოებს შორის, ასევე ხელს უწყობს დამატებითი პოტენციური ინვესტორების მოზიდვას.

„წელს გვეყოლება ბევრი ისეთი პოტენციური ინვესტორი, რომლებიც პირველად სტუმრობენ საქართველოს და მნიშვნელოვანია, რომ ფორუმის ფარგლებში ის საერთაშორისო ინვესტორები, რომლებიც დაფუძნებულნი არიან და უკვე საქმიანობენ საქართველოში, მათ გააცნობენ ჩვენს ქვეყანაში მრავალწლიანი მუშაობის გამოცდილებას, რაც იქნება კარგი მოტივაცია ცნობიერების ამაღლებისა და მომავალში დამატებითი უცხოური ინვესტიციების განხორციელებისთვის“, - განაცხადა გენადი არველაძემ.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება
Wolt და Mastercard მომხმარებელს ახალ, შეუფასებელ აქციას სთავაზობს
"ჯადოსნური ახალი წელი აბუ დაბიში" - ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის დაიწყო