შინაგან საქმეთა მინისტრმა ვახტანგ გომელაურმა, საქართველოში არაბთა გაერთიანებული საემიროების ელჩთან ესა აბდულა ალ ბაშა ალ ნოაიმისთან შეხვედრა გამართა.
როგორც „ინტერპრესნიუსს“ შსს-დან აცნობეს, შეხვედრაზე მხარეებმა საზოგადოებრივი წესრიგისა და უსაფრთხოების დაცვის მიმართულებით ორი ქვეყნის შინაგან საქმეთა სამინისტროების თანამშრომლობის მნიშვნელობაზე ისაუბრეს.
მათივე ინფორმაციით, ვახტანგ გომელაურმა და ელჩმა ასევე განიხილეს საქართველოსა და არაბთა გაერთიანებულ საემიროებს შორის საპოლიციო სფეროში თანამშრომლობის მემორანდუმის ხელმოწერისა და სამართალდაცვითი მიმართულებით გამოცდილების ორმხრივი გაზიარების შესაძლებლობა.