განათლების სამინისტრო - ინფორმაცია უწყების მედიასთან/საზოგადოებასთან ურთიერთობის სამსახურში დასაქმებული ადამიანების შესახებ არ შეესაბამება სიმართლეს

საქართველოს განათლების, მეცნიერების, კულტურისა და სპორტის სამინისტრო „საერთაშორისო გამჭირვალობა საქართველოს“ ეხმაურება და აცხადებს, რომ “ განათლების სამინისტროს მედიასთან/საზოგადოებასთან ურთიერთობის სამსახურში დასაქმებული ადამიანების შესახებ” ინფორმაცია არ შეესაბამება სიმართლეს. ამის შესახებ ინფორმაციას განათლების, მეცნიერების, კულტურისა და სპორტის სამინისტრო ავრცელებს.

„უნდა აღინიშნოს, რომ სამინისტროს სახელწოდება არასწორად (სავარაუდოდ, მიზანმიმართულად) არის მითითებული. 2018 წელს განათლებისა და მეცნიერების, ასევე, კულტურისა და სპორტის სამინისტროების გაერთიანების შემდგომ მას ეწოდა საქართველოს განათლების, მეცნიერების, კულტურისა და სპორტის სამინისტრო (და არა მითითებული სახელწოდება „განათლების სამინისტრო“). შესაბამისად, საზოგადოებასთან ურთიერთობის სამსახურები, რომლებიც ამ უწყებებში ცალ-ცალკე არსებობდნენ, გაერთიანდნენ.

გაერთიანების შედეგად, განათლების, მეცნიერების, კულტურისა და სპორტის სამინისტროში ჩამოყალიბდა ერთი - სტრატეგიული კომუნიკაციის დეპარტამენტი. გარდა იქამდე არსებული საზოგადოებასთან/მედიასთან ურთიერთობის სამმართველოებისა, აღნიშნულ დეპარტამენტს დაემატა პროტოკოლის სამმართველო, ცხელი ხაზი და ახალი - კოორდინაციის სამმართველო, ვინაიდან სამინისტროს სისტემაში სხვადასხვა, არაერთი მიმართულების (განათლება, მეცნიერება, კულტურა, სპორტი) გარდა, ფუნქციონირებს რამდენიმე ათასი საჯარო სამართლის იურიდიული პირი.

გაერთიანებისა და დამატებული სამმართველოების მიუხედავად, დეპარტამენტში დღეს არსებული თანამშრომლების რაოდენობა არის არა 49 (როგორც ანგარიშშია მითითებული), არამედ 41, რაც იქამდე ცალ-ცალკე არსებულ სამმართველოებში დასაქმებული თანამშრომლების რაოდენობაზე ნაკლებია“, - აღნიშნულია საქართველოს განათლების, მეცნიერების, კულტურისა და სპორტის სამინისტროს მიერ გავრცელებულ ინფორმაციაში.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა