ტექნიკურ უნივერსიტეტში სამუშაო ვიზიტით CERN-ის მეცნიერი გაბრიელა პულიეზე იმყოფებოდა

საქართველოს ტექნიკურ უნივერსიტეტში სამუშაო ვიზიტით ბირთვული კვლევების ევროპული ორგანიზაციის (CERN) საერთაშორისო კოლაბორაცია CMS-ჯგუფის RPC-სუბდეტექტორის ხელმძღვანელი, ბარის (იტალია) უნივერსიტეტის პროფესორი გაბრიელა პულიეზე იმყოფებოდა.

საქართველოს ტექნიკური უნივერსიტეტის პრესსამსახურის ინფორმაციით, ვიზიტის ფარგლებში, პროფესორი პულიეზე ტექნიკური უნივერსიტეტის რექტორს აკადემიკოს არჩილ ფრანგიშვილსა და სტუ-ის CMS-ექსპერიმენტის ჯგუფის წევრებს შეხვდა. მხარეებმა CERN-ის აღნიშნული ექსპერიმენტის მოდერნიზების საკითხები განიხილეს და მასში ტექნიკური უნივერსიტეტის შემდგომ ჩართულობაზე იმსჯელეს, „რაც ორივე მხარისათვის მნიშვნელოვანი პროცესია, იმის გათვალისწინებით, რომ ტექნიკური უნივერსიტეტი არაერთი წელია წარმატებით თანამშრომლობს CERN-თან“.

შეხვედრაზე იტალიელმა პროფესორმა ყურადღება გაამახვილა იმ სოლიდურ წვლილზე, რაც ტექნიკური უნივერსიტეტის მეცნიერთა ჯგუფს CMS-ექსპერიმენტში, კერძოდ კი RPC-სუბდეტექტორის შექმნაში შეაქვს და დადებითად შეაფასა ტექნიკური უნივერსიტეტის მხრიდან CERN-თან კოლაბორაციაში მყოფი ქართველ მეცნიერთა ჯგუფის სერიოზული მხარდაჭერა.

როგორც გაბრიელა პულიეზემ აღნიშნა, საქართველოს ტექნიკური უნივერსიტეტის მეცნიერთა ჯგუფს ერთ-ერთი წამყვანი როლი აკისრია RPC-სუბდეტექტორის შექმნის პროცესში და ამასთან, ნაყოფიერად თანამშრომლობს CMS-ექსპერიმენტის სხვა სუბდეტექტორების ჯგუფებთან.

არჩილ ფრანგიშვილმა სტუმარს დეტალურად გაააცნო უნივერსიტეტში მიმდინარე სამეცნიერო პროექტები და სამომავლო გეგმები. როგორც რექტორმა განაცხადა, ტექნიკური უნივერსიტეტი უპირობო მზაობას გამოთქვამს, მომავალშიც დაუჭიროს მხარი CERN-ის CMS-ექსპერიმენტში მონაწილე სტუ-ის მეცნიერთა ჯგუფს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში