საქართველოს პრეზიდენტი სალომე ზურაბიშვილი ეროვნული ბიბლიოთეკის საგამოფენო დარბაზში გერმანიასა და აშშ-ში მოღვაწე ქართველი მხატვრის, ვახტანგ ბარდაველიძის ნამუშევრების გამოფენას „სივრცედ ქმნილი ფერი“ გახსნას დაესწრო. ამის შესახებ "ინტერპრესნიუსს" საქართველოს პრეზიდენტის პრესსამსახურიდან აცნობეს.

სალომე ზურაბიშვილმა საზოგადოებას გამოფენის დათვალიერებისკენ მოუწოდა. 50-მდე ნამუშევრის ნახვა, რომელიც ბოლო წლების განმავლობაში, საქართველოში პირველად გამოიფინა 18 ოქტომბრამდეა შესაძლებელი.

,,ვახტან ბარდაველიძის შემოქმედება და ეს გამოფენა ნამდვილი აღმოჩენაა ქართული საზოგადოების დიდი ნაწილისთვის. იგი საკმაოდ ცნობილი მხატვარი იყო გერმანიაში და როგორც ხშირად ხდება, უცხოეთში უფრო დაფასებული, ვიდრე საქართველოში. დღეს, გამორჩეული პატრიოტიზმით ცნობილმა, მისმა ოჯახმა ძალიან დიდი საქმე გააკეთა. ნიშანდობლივია, რომ მხატვრის ცოლი და შვილები დაბრუნდნენ საქართველოში და დააბრუნეს ეს ძვირფასი კოლექცია", - განაცხადა პრეზიდენტმა.