პარასკევს პენტაგონმა დაადასტურა, რომ აპირებს საუდის არაბეთში დამატებით, დიდი რაოდენობით სამხედროებისა და სამხედრო ტექნიკის, მათ შორის ჰაერსაწინააღმდეგო სისტემებისა და მოიერიშე თვითმფრინავების გაგზავნას. ამის შესახებ „როიტერი“ იუწყება.

პენტაგონის პრესსპიკერის ჯონათან ჰოფმანის განცხადებით, ამერიკის თავდაცვის მდივანმა ესპერმა ნებართვა გასცა დამატებითი ძალების, მათ შორის ორი მოერიშე ესკადრილიის, „პატრიოტის“ ორი ბატარეისა და მაღალმთიანი ზონის ტერმინალური თავდაცვის სისტემის განთავსების თაობაზე.

პენტაგონის განცხადების თანახმად, საუდის არაბეთის ტახტის მემკვიდრე პრინცსა და თავდაცვის მინისტრს მუჰამედ ბენ სალმანს ამერიკის თავდაცვის მდივანმა უკვე აცნობა, რომ 14 სექტემბერს ნავთობობიექტებზე თავდასხმების შემდეგ, საუდის არაბეთის თავდაცვის გასაძლიერებლად დამატებითი ჯარების განთავსებას აპირებს.