ქურთი  ძალების ინფორმაციით, „ისლამური სახელმწიფოს“ 5 მეომარი საპატიმროდან გაიქცა

ქურთი ძალების ინფორმაციით, თურქეთის სამხედრო ოპერაცია შესაძლებლობას მისცემს ჯიჰადისტებს, აღიდგინონ თავისი პოზიციები, რადგანაც, მათი ინფორმაციით, „ისლამური სახელმწიფოს“ რამდენიმე მეომარმა უკვე დატოვა სირიის ჩრდილო-აღმოსავლეთით მდებარე საპატიმრო.

„როიტერსი“ ასევე ავრცელებს ინფორმაციას, რომ „ისლამურმა სახელმწიფომ“ პასუხისმგებლობა აიღო ქამიშლიში ავტომობილზე მომხდარ თავდასხმაზე. ინციდენტი, ქურთული მხარის მიერ კონტროლირებად ტერიტორიაზე მოხდა.

ქურთი სამხედროების განცხადებით, საპატიმროები „ისლამური სახელმწიფოს“ ხუთმა მებრძოლმა დატოვა. მათივე ინფორმაციით, ამავე საპატიმრო ბანაკებში გათავსებულმა ქალებმა, „ჯოხებით და ქვებით“ მიიტანეს შეტევა ქურთ სამხედროებზე, რომლებიც საპატიმროებს იცავდნენ.

შეგახსენებთ, თურქეთი სირიის ჩრდილო-აღმოსავლეთით სამხედრო ოპერაციას ახორციელებს, რომელიც მიზნად ისახავს საზღვრისპირა რეგიონების ქურთი ძალებისგან გაწმენდასა და ე.წ. „უსაფრთხოების ზონის“ შექმნას. ოპერაცია მას შემდეგ დაიწყო, რაც ამერიკის პრეზიდენტმა, დონალდ ტრამპმა სირიის აღნიშნული რეგიონიდან ჯარები გაიყვანა. ქურთებმა, რომლებიც „ისლამურ სახელმწიფოსთან“ ბრძოლაში აშშ-ს ერთ-ერთ მთავარ მოკავშირედ ითვლებოდნენ, ტრამპის ამ ნაბიჯს, „ზურგში დანის ჩარტყმა“ უწოდეს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში