კობა გვენეტაძე - საერთაშორისო სუვერენული საკრედიტო რეიტინგების გაუმჯობესება საინვესტიციო გარემოს გაუმჯობესების ყველაზე კარგი ინდიკატორია

საქართველოს ეროვნული ბანკის პრეზიდენტი, კობა გვენეტაძე, ეხმაურება S&P Global Ratings-ის მიერ სუვერენული რეიტინგის გაუმჯობესებას და ავტორიტეტული საერთაშორისო სარეიტინგო სააგენტოს გადაწყვეტილებას დადებითად აფასებს.

„საერთაშორისო ინვესტორებისათვის, მაკროეკონომიკური სტაბილურობის და საინვესტიციო გარემოს გაუმჯობესების ყველაზე კარგი ინდიკატორი საერთაშორისო სუვერენული საკრედიტო რეიტინგებია. ამიტომ, მისასალმელია საინვესტიციო რეიტინგის გაუმჯობესება.

რეიტინგს გაუმჯობესებაში, მთავრობის მიერ გატარებული ღონისძიების გარდა, მნიშვნელოვანი წვლილი შეიტანა ეროვნული ბანკის მიერ განხორციელებულმა თანმიმდევრულმა პოლიტიკამ. სარეიტინგო კომპანიის შეფასებით, ეროვნული ბანკის მიერ საერთაშორისო რეზერვების დაგროვება ხელს შეუწყობს საგარეო სექტორიდან მომდინარე რისკების შემცირებას. მცურავი გაცვლითი კურსი და ეროვნული ბანკის დამოუკიდებლობა მაკროეკონომიკური სტაბილურობის შენარჩუნებისთვის მნიშვნელოვანი პოზიტიური ფაქტორებია. რაც შეეხება დოლარიზაციას, მისი მაღალი დონე კვლავ გამოწვევად რჩება, თუმცა მთავრობისა და ეროვნული ბანკის ერთობლივი ღონისძიებებით, დოლარიზაციას შემცირების ტენდენცია აქვს და ასევე გაგრძელდება, რაც თავის პოზიტიურ წვლილს აუცილებლად შეიტანს რეიტინგის მომავალ გაუმჯობესებაში.

ვიმედოვნებთ, რომ რამდენიმე წლის შემდეგ ჩვენ შევძლებთ, რომ ქვეყანამ მიაღწიოს BBB- ე.წ. „საინვესტიციო რეიტინგ“-ს, რომელიც, თავის მხრივ, ინვესტიციების ზრდის და მდგრადი ეკონომიკური ზრდის მნიშვნელოვანი ფაქტორი იქნება“, - აცხადებს გვენეტაძე.

შეგახსენებთ, რომ სარეიტინგო სააგენტო S&P Global Ratings-მა საქართველოს სუვერენული საკრედიტო რეიტინგი ერთი ბიჯით, „BB -“ - დან „BB“ - მდე გააუმჯობესა.

ინფორმაციას ეროვნული ბანკი ავრცელებს.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა