საუდის არაბეთის მეფემ და პრინცმა ამერიკული ჯარის ქვეყანაში განლაგებას მხარი დაუჭირეს, - ამის შესახებ ინფორმაციას „როიტერსი“ საინფორმაციო სააგენტო SPA-ზე დაყრდნობით ავრცელებს.

გუშინ პენტაგონმა განაცხადა, რომ შეერთებული შტატები საუდის არაბეთში დამატებითი სამხედრო ძალების გაგზავნას აპირებს. მათი ინფორმაციით, სამხედრო ძალები მოიცავს მოიერიშე დივიზიონებს, საჰაერო დანაყოფსა და საჰაერო თავდაცვის პირად შემადგენლობას.

პრეზიდენტმა დონალდ ტრამპმა განაცხადა, რომ ის მზადაა, საუდის არაბეთში ამერიკული ჯარის განლაგებისთვის საჭირო თანხები გამოყოს.

14 სექტემბერს, საუდის არაბეთის ნავთობის ობიექტებზე თავდასხმა განხორციელდა. შეერთებულმა შტატებმა და საუდის არაბეთმა მომხდარში ირანი დაადანაშაულეს.