საგანგებო სიტუაციების კოორდინაციის ცენტრმა კატასტროფის რისკის შემცირების საერთაშორისო დღე სახელმწიფო უწყებებთან და საერთაშორისო ორგანიზაციებთან ერთად აღნიშნა

საგანგებო სიტუაციების კოორდინაციისა და გადაუდებელი დახმარების ცენტრმა კატასტროფის რისკის შემცირების საერთაშორისო დღე სახელმწიფო უწყებებთან და საერთაშორისო ორგანიზაციებთან ერთად აღნიშნა. ამის შესახებ „ინტერპრესნიუსს“ ჯანდაცვის სამინისტროდან აცნობეს.

მათი ინფორმაციით, „თბილისი მოლში“ გამართულ ღონისძიებაზე საგანგებო შემთხვევებთან დაკავშირებული სხვადასხვა სახის იმიტირებული ოპერაცია ჩატარდა. ჯანდაცვის სამინისტროს ინსტრუქტორებმა დაინტერესებულ პირებს პირველადი სამედიცინო დახმარების აღმოჩენა მულაჟზე მანიპულაციების საშუალებით ასწავლეს. შსს-ს საგანგებო სიტუაციების მართვის სამსახურის მეხანძრე-მაშველების მიერ ასევე მოეწყო იმიტირებული სამაშველო ღონისძიებები. „გაეროსა“ და „წითელი ჯვრის“ წარმომადგენლებმა კი სტუმრებს კატასტროფის რისკის შემცირების შესახებ დეტალური ინფორმაცია სპეციალურად მოწყობილი სტენდებიდან მიაწოდეს.

კატასტროფის რისკის შემცირების საერთაშორისო დღისადმი მიძღვნილი ღონისძიება 9 საერთაშორისო ორგანიზაციის, საქართველოს ეროვნული უსაფრთხოების საბჭოს აპარატის, საგანგებო სიტუაციების კოორდინაციის და გადაუდებელი დახმარების ცენტრისა და შსს-ს საგანგებო სიტუაციების მართვის სამსახურის ერთობლივი ორგანიზებით მოეწყო. უწყების ცნობით, ღონისძიება მიზნად ისახავდა კატასტროფის რისკის შემცირებისა და მასზე რეაგირების მიმართულებით საზოგადოების ცნობიერების ამაღლების ხელშეწყობას.

კატასტროფის რისკის შემცირების საერთაშორისო დღე გაეროს გენერალური ასამბლეის გადაწყვეტილებით 1989 წელს დაარსდა და საქართველოში 2015 წლიდან აღინიშნება.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა