თურქეთის დასავლეთ სანაპიროზე მიგრანტთა ნავის ჩაძირვის შედეგად ერთი ბავშვი დაიღუპა, მეორეს კი მაშველები ეძებენ, - ამის შესახებ ინფორმაციას თურქული საინფორმაციო საშუალებები ავრცელებენ.

მათივე ინფორმაციით, თურქეთის სანაპირო დაცვამ 35 მიგრანტიდან 33-ის გადარჩენა შეძლო. დაკარგული ბავშვის სამძებრო ოპერაცია კი გრძელდება.

უბედური შემთხვევის გამომწვევი მიზეზი ჯერჯერობით უცნობია.

გავრცელებული ინფორმაციით, მიგრანტები ეგეოსის ზღვის გავლას და ევროპაში არალეგალურად გადასვლას ცდილობდნენ.

არალეგალური მიგრაცია ახლო აღმოსავლეთში არეულობის დაწყების შემდეგ გააქტიურდა. თურქეთი ერთ-ერთი მთავარი პუნქტია, საიდანაც მიგრანტები ევროპაში მოხვედრას ცდილობენ.

თურქეთის შინაგან საქმეთა სამინისტროს ინფორმაციით, 2018 წელს თურქეთში 268 000 არალეგალი მიგრანტი დააკავეს.