პარტია “ქართული ოცნებაა” ხელისუფლებაში და ვინ უნდა იყოს სახელმწიფო უსაფრთხოების სამსახურის ხელმძღვანელად წარმოდგენილი? “ნაციონალური მოძრაობის” კანდიდატურა უნდა იყოს წარმოდგენილი?”,- ასე აფასებს დედაქალაქის მერი კახა კალაძე ოპოზიციის განცხადებებს, რომ სახელმწიფო უსაფრთხოების სამსახურის უფროსად გრიგოლ ლილუაშვილი ბიძინა ივანიშვილის მიერ დასმული პირია.
კალაძის განცხადებით, არ არის სწორი მიდგომა, როდესაც ოპოზიცია აცხადებს, რომ ბიძინა ივანიშვილი ერთპიროვნულად იღებს გადაწყვეტილებებს. მისივე თქმით, თითოეულ უწყებას ჰყავს თავისი ხელმძღვანელი, რომელიც იღებს საჭირო გადაწყვეტილებებს.
“დღეს მმართველი პარტია გახლავთ პოლიტიკური გაერთიანება “ქართული ოცნება დემოკრატიული საქართველო”. მისი ლიდერი გახლავთ ბიძინა ივანიშვილი ანუ პარტია “ქართული ოცნებაა” ხელისუფლებაში და ვინ უნდა იყოს სახელმწიფო უსაფრთხოების სამსახურის ხელმძღვანელად წარმოდგენილი? “ნაციონალური მოძრაობის” კანდიდატურა უნდა იყოს წარმოდგენილი? არ არის სწორი მიდგომა. ჩვენ მაქსიმალურად ვისმენდით ამ წლების განმავლობაში, რომ ბიძინა ივანიშვილი ერევა საქმეში, ის იღებს გადაწყვეტილებებს - ეს არის არასწორი დამოკიდებულება. ყველა უწყებას ჰყავს თავისი ხელმძღვანელი, რომელიც იღებს იმ გადაწყვეტილებებს, რომლებიც საჭიროა თავიანთი უწყებისთვის”,- განაცხადა კალაძემ.