ესპანეთის უმაღლესი სასამართლოს მოსამართლე პაბლო ლარენამ კატალონიის მთავრობის ყოფილი მეთაურის, კარლეს პუჩდემონის დასაპატიმრებლად ორდერი გასცა. ამის შესახებ El Pais იუწყება.
ორდერში აღნიშნულია, რომ პუჩდემონი ეჭვმიტანილია ამბოხის წაქეზებასა და სახელმწიფო ხარჯების გაფლანგვაში 2017 წელს, კატალონიის დამოუკიდებლობის მოთხოვნით რეფერენდუმის ჩატარებასთან დაკავშირებით.
პუჩდემონი ესპანეთიდან ჩატარებული რეფერენდუმის შემდეგ, 2017 წელს ბელგიაში გაიქცა.
ცნობისთვის, დღეს დილით ესპანეთის უმაღლესმა სასამართლომ კატალონიელ სეპარატისტთა 9 ლიდერს 9-დან 13 წლამდე პატიმრობა შეუფარდა, რომლებსაც 2017 წელს კატალონიის დამოუკიდებლობის მოთხოვნით რეფერენდუმში მონაწილეობა ბრალდებათ.