ირანმა ბუნებრივი აირის ახალი მარაგის აღმოჩენის შესახებ ინფორმაცია გაავრცელა

ირანმა ბუნებრივი აირის ახალი მარაგის აღმოჩენის შესახებ ინფორმაცია გაავრცელა. ოფიციალური თეირანის ცნობით, ბუნებრივი აირის ახალი საბადო 400 მილიონი ბარელი გაზის კონდენსატის წარმოების შესაძლებლობას იძლევა, რაც ჯამში 40 მილიარდი დოლარის ღირებულებისაა.

ბუნებრივი აირის საბადო სპარსეთის ყურის სიახლოვეს, ირანის სამხრეთ დასავლეთ ნაწილში მდებარე ფარსის პროვინციაშია და დაახლოებით 540 მილიარდ კუბურ მეტრ ფაზს მოიცავს.

„გეოფიზიკური კვლევითი ტექნიკების მეშვეობით ჩვენ გვაქვს პოტენციალი აქამდე გამოუყენებელი ნავთობისა და გაზის საბადოები ვიპოვოთ, რაც ცალსახად აისახება ირანის ეროვნულ სიმდიდრეზე“, - განაცხადა ირანის ნავთობის ეროვნული კომპანიის აღმასრულებელი დირექტორის მოადგილემ, რეზა დეგანმა პრესკონფერენციაზე.

ოფიციალური თეირანის განმარტებით, აღმოჩენა ირანისთვის ხელსაყერელ დროს გაკეთდა მაშინ, როდესაც ქვეყანა ამერიკის შეერთებული შტატების მიერ დაწესებული სანქციების მძიმე ეკონომიკურ წნეხს განიცდიდა, რომელიც ქვეყანას ბირთვული პროგრამის განხორციელებაზე უარის თქმას აიძულებს.

„ამერიკას არ შეუძლია ირანის ნავთობის წარმოება შეაჩეროს. სანქციები ვერ შეაჩერებს ირანის ნავთობის ინდუსტრიას. ჩვენ აქტიურები, ცოცხლები ვართ“,- განაცხადა ირანის ნავთობის მინისტრმა, ბიჯან ნამდარ ზანგანამ.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის