მოსახლეობის რაოდენობამ, რომელიც თურქეთის მიერ სირიაში დაწყებული სამხედრო ოპერაციის გამო იძულებული გახდა, საცხოვრებელი სახლები დაეტოვებინა, 160 ათასი შეადგინა. ამის შესახებ გაეროს გენერალური მდივნის ოფიციალური წარმომადგენლის სტეფან დიუჟარიკის განცხადებაშია აღნიშნული, რომელიც ორგანიზაციის საიტზე გამოქვეყნდა.
„გაეროს გენერალური მდივანი ანტონიუ გუტიერეში სერიოზულად არის შეშფოთებული სირიის ჩრდილო-აღმოსავლეთში მიმდინარე საბრძოლო მოქმედებებით, რომელმაც, გავრცელებული ინფორმაციით, უკვე გამოიწვია ბევრი მშვიდობიანი მოქალაქის გარდაცვალება და დაჭრა, ასევე, სულ მცირე, 160 ათასი სამოქალაქო პირის გადაადგილება“, - აღნშნულია დოკუმენტში.
ცნობისთვის, 9 ოქტომბერს თურქეთმა დაიწყო სამხედრო ოპერაცია „მშვიდობის წყარო“ სირიის ჩრდილოეთით, სადაც ქურთები ცხოვრობენ.