სულ მცირე, 14 პოლიციელი მოკლეს მექსიკის შტატ მიჩოაკანში. მათ უცნობი შეირაღებული ჯგუფი დაესხა თავს. ამის შესახებ საზოგადოებრივი უსაფრთხოების სამინისტრო „ტვიტერის“ გვერდზე იუწყება.

ადგილობრივი მედიის ინფორმაციით, შეიარაღებული დამნაშავეები პოლიციელებს ჩაუსაფრდნენ. მათივე ცნობით, სამი პოლიციელი დაიჭრა, რომელთა მდგომარეობა მძიმეა, კიდევ ექვსი პოლიციელის შესახებ არაფერია ცნობილი. არსებული მონაცემებით, დამნაშავეები დაჯავშნული ჯიპებით გადაადგილდებოდნენ.