სერბეთის დედაქალაქ ბელგრადში მიმდინარე საპარლამენტთაშორისო კავშირის ასამბლეის ფარგლებში საქართველოს საპარლამენტო დელეგაციის ხელმძღვანელმა, გიორგი ვოლსკიმ, სერბეთის პარლამენტის საგარეო ურთიერთობათა კომიტეტის თავმჯდომარე, ჟარკო ობრადოვიჩთან და საქართველოსთან მეგობრობის ჯგუფის ხელმძღვანელთან, დუბრავკა ფილიპოვსკისთან, შეხვედრა გამართა. ამის შესახებ „ინტერპრესნიუსს“ საქართველოს პარლამენტიდან აცნობეს.
მხარეებმა სერბეთსა და საქართველოს შორის ორმხრივი ურთიერთობების განვითარებაზე ისაუბრეს. საუბარი ასევე შეეხო, როგორც რეგიონში მიმდინარე, ასევე საერთაშორისო მნიშვნელობის საკითხებს.
შეხვედრას ესწრებოდნენ საქართველოს საგანგებო და სრულუფლებიანი ელჩი საბერძნეთისა და სერბეთის რესპუბლიკებში, იოსებ ნანობაშვილი და სერბეთის რესპუბლიკაში საქმეთა დროებითი რწმუნებული, ილია კობერიძე.